CAGAYAN DE ORO CITY – Gitin-aw ni City Budget Officer Atty Percy Salazar nga limitado ang paggasto sa calamity fund nga nakasukip sa 7.5 bilyon pesos nga pondo sa syudad ning tuiga.
Kini human unang gi-kuwestiyon sa panig oposisyon kon nganong nangayo’g 500 bilyon pesos nga supplemental budget si City Mayor Oscar Moreno nga gamiton batok sa COVID-19.
Miingon si Salazar nga 30 porsiento lamang sa 300 milyon pesos nga calamity fund ang gitugot sa balaod diin dili igo pagtubag sa mga emerhensiya sama sa halad sa coronavirus.
Samtang dili gilayong magasto ang pondo nga mahatag gikan sa panudlanan alang sa mga programa nga nakahan-ay sa dakbayan.
Kini ang tubag ni City Mayor Oscar Moreno sa akusasyon sa iyang mga kritiko kon giunsa paggasto ang 300 milyon pesos nga calamity fund diin nag-atubang sa krisis ang syudad.
Miingon si Moreno nga wala mausik ang salapi sa syudad apan kulangon pa kini kon mograbe pa ang epekto sa coronavirus sa panginabuhian sa katawhan.
