CAGAYAN DE ORO CITY- Gikalipay sa business sector ang hinay-hinay nga pagbalik sa normal nga sitwasiyon sa mga
negosyo sa syudad.
Matud ni Oro Chamber President Robert Pizarro nga daghan nang mga negosyante ang subling nagpa-book sa hotels alang sa ilang mga aktibidadis nga himoon sa dakbayan.
Siya miingon nga nasabtan na sa mga negosyante nga ang martial law nga gipatuman sa tibook Mindanao dili susama sa martial law atol sa Marcos administration.
Hisayran nga mokabat sa 200 million ang alkanse sa business sector sa syudad atol sa unang bulan sa deklarasyon sa batas-militar.
Gipadayag ni Pizarro nga suportado sa business sector sa syudad ang extension sa martial law sa tibook Mindanao.
Si Pizzaro miingon nga gusto sa mga negosyante nga bakwion lamang ang batas-militar kun ugaling matapos na ang kagubot sa Marawi City ug mahurot na’g dakop sa mga otoridad ang Maute members.
Kahinumduman nga ubay-ubay na ka Maute members ang nadakpan sa syudad nga gilakipan sa bomb maker nga si Mohammad Noaim Maute alias Abu Jadid ug ang ilang mga financiers.
