Picture from COCPO’s PCR
CAGAYAN DE ORO CITY-Kada-adlaw nga dunay e-relib sa ilang mga puwesto nga pulis nga ubos sa liderato ni acting City Police Director Sr/Supt Nelson Aganon ning syudad.
Kini ang panganti ni Aganon batok sa pipila ka pulis nga gahi mosunod sa mga pag-disiplina nga gimando ni PNP chief Director General Oscar Albalyalde.
Miingon si Aganon nga kon mapakyas pagsunod ang mga pulis sa iyang mga kamanduan,lakip ang commander sa usa ka station nga ma-relib sa ilang puwesto.
Napapha sa puwesto ang deputy commander ug laing walo ka pulis sa Cogon Police Station dihang nasapon ni Aganon nga gisupak ang 5am police visibility sa syudad.
Una nang gibutyag ni Aganon nga hatagan usab sa pasidungog ang mga pulis nga magpakita sa ilang maayo nga performance sa trabaho sama sa gipasidunggan sa miaging flag raising sa Maharlika Headquarters sa syudad sa miaging Lunes.
Hisayran nga miani’g hugot nga suporta ni retired AFP General Kagawad Romeo Calizo kinsa chairman sa committee on police,fire and public safety ug Kagawad Jay Roa Pascual nga chairman usab sa committee on tourism sa syudad.
