CAGAYAN DE ORO CITY – Gibulgar ni Kag. Roger Abaday,chairman sa games and amusement committee nga wala magbaton sa resolution of no objection sa konseho ug permit to operate gikan sa city govt ang kompanyang Hexaprime nga puli sa Mellinium Corporation o DMC.
Kini ang nadiskobre dihang inisyal nila gipatawag ang duha ka panig tungod sa ilang langtuging legal kon kinsa ang dunay pagtugot sa makapadula sa small town lottery o STL dinhi sa syudad ug lalawigan.
Miingon si Abaday nga wala sukad miagi sa konseho aron mangayo’g pagtugot ang maong kompanya rason nga subli nila ipatawag ang duha ka panig sunod semana.
Hisayrang permiso lang gikan sa Philippine Charity Sweepstakes Office (PCSO) ang gihuptan sa Hexaprime ug wala moagi sa aplikasyon sa konseho aron makuha ang resolution of no objection ug mismong aprobal gikan kang City Mayor Rolando ‘Klarex’ Uy alang niini.
