CAGAYAN DE ORO CITY-Gisilotan sa Ombudsman sa unom ka bulan nga suspension without salary si City Councilor Zaldy Ocon ning syudad.
Kini human nakit-ang sad-an sa paglaparo ni Ocon sa miembro sa Roads and Traffic Administration o RTA samtang makig-husay unta sa traffic rules violation sa miaging tuig 2016.
Maoy nagsilbing main complainant batok kang Ocon si RTA member Ric Emmanuel Agustin kinsa unang mi-ticket kang Ocon tungod sa illegal parking nga nahimo niini sa merkado Cogon ning syudad sa maong tuig.
Apan imbis nga makig-husay si Agustin kang Ocon sa City Council, gisagpa kini niya atubangan mismo nila ni RTA asst administrator Engr Nonito Oclarit ug kanhi Task Force Hapsay Dalan overseer Atty Edgardo ‘Egay’ Uy.
