CAGAYAN DE ORO CITY – Nasikop sa buy bust operation sa kapolisan ang high value target o empleyado sa city hall diha sa Brgy 1 ning syudad.
Giila ni Bulua Police Station commander Police Capt Jason Sto Domingo ang suspek nga si Candido Echalico,51 anyos,minyo ug nagpuyo sa Brgy Carmen sa dakbayan.
Namahayag si Sto Domingo nga ‘on and off’ ang pagmaligya’g shabu ni Echalico apan dugay nang higayon nga gipaubos sa surviellance ang kalihukan niini.
Nabawi gikan kang Echalico ang sachet sa gitoohang shabu ug 500 pesos nga buy bust money.
Nagdumili una paghatag komento si Echalico kinsa 20 ka tuig nang nagsilbing empleyado sa City General Services Office kay sa korte na daw kini mohatag sa iyang katarungan.
Si Echalico ang usa lamang sa daghang empleyado nga nasikop gumikan sa pagbaligya’g shabu bisan sa hugot nga pahimangno ni City Mayor Oscar Moreno nga likayan ang pagkalambigit sa ilegal nga kalihukan.
