CAGAYAN DEO CITY-Nasikop sa kapolisan ang trabahante sa city hall kuyog ang laing tulo ka kauban samtang akto nga naghit-hit sa gitoohang shabu diha sa Kalambaguhan-Burgos Streets sa syudad.
Kini human nalusad sa kapolisan ang anti-drug buy bust operation diin napalitan ang target nga si Rocelio Plaza sa usa ka sachet sa shabu balor kinyentos pesos.
Giila ni Divisoria Police Station commander Sr/Insp Maricris Mulat sa city hall employee nga si Jem Bombio ingon man sila si Damila Alcantra ug Cheryl Abarquez.
Si Mulat miingon nga akto nila nga nasapon sila si Bombio,Alcantra ug Abarquez nga kamulo nga suyop sa shabu hinungdan nga gilayon nila nga gidakop sa pinuy-anan ni Plaza.
Kasuhan sa pagbaligya’g gidiling droga ang mga suspek sa piskalya sa syudad ning adlawa.
