CAGAYAN DE ORO CITY-Nasikop sa buy bust opeartion ang empelyado sa city hall samtang namaligya’g gidiling droga sa Barra,Brgy Macabalan ning syudad.
Kini human napalitan sa kapolisan sa gitoohang shabu ang suspek nga si Westconsin Abejo Brazil,29 anyos nga nagpuyo sa maong dapit.
Gibutyag ni Cogon Police Station commander C/Insp Harvey Abellanosa nga giila nila si Brazil nga high value target level 1 tungod sa koneksyon niini sa gobierno.Detinado sa mini-cell sa Cogon Police Station ang suspek.
Samtang,dismayado si city administrator Dione Gersana sa pagkasikop sa city hall employee nga si Brazil.
Kini human kumpirmaha ni Gersana nga bag-o pa nila nga empleyado si Brazil ug na-destino sa city agriculture’s office ning syudad.
Nanganti si Gersana nga matangtang sa iyang trabaho ang suspek tungod sa giingong kalambigitan sa pagbaligya niini’g gidiling droga.
Sa miaging duha ka semana,nasikop usab ang kanhi empleyado sa city hall nga tuyo unta mobalik pagtrabaho apan aktong nasapon nga naghithit sulod sa motel sa syudad.
