CAGAYAN DE ORO CITY – Direkta nang mahatagan sa pag-atiman ang mga pasyente nga nagkinahanglan sa serbisyong medical nga naglakip sa out-patient-department, minor surgery room, animal bite center, pharmacy ug paggamit sa laboratory room sa dili madugay sa esteng bahin sa dakbayan ug sikbit nga bahin sa Northern Mindanao.
Kini human opisyal nang operesyonal ang Cagayan de Oro City Hospital – Tablon o gitawag sa city govt nga ‘Primary Care Center’ nga nakabase sa Brgy Tablon sa dakbayan.
Nalangan ang paggamit sa maong pasilidad kay gitiwas ang mga kulang niiini sukad nakalingkod sa katungdanan si City Mayor Klarex sa dakbayan.
Nangulo si Klarex sa inagurasyon kinuyugan sa nagkadaiyang opisyal gikan sa city hall departments ingon man ang pipila ka sakop sa 21st city council ug Department of Health kuyog ang Philhealth-Cagayan de Oro.
Dugtong niini,gibutyag ni Klarex nga dako’g matabang ang maong pasilidad kaysa modalikyat pa ang mga pasyente sa sentrong bahin sa dakbayan diin nahimutang ang mas dagko nga mga ospital.
Hisayrang ang CdeO City Hospital-Tablon ang tipik sa mga nasugdang proyekto ni kanhi City Mayor Oscar Moreno nga gitiwas ni Uy aron mapuslan sa katawhan.
