CAGAYAN DE ORO CITY-Gipadumduman ni City Mayor Oscar Moreno si City Director Sr Supt Nelson Aganon nga dili magpakasayop ang iyang kapolisan nga i-abuso ang pagpatuman sa balaod ilabina sa kampanya kontra ilegal nga droga sa syudad.
Gihimo ni Moreno ang pahayag nunot sa ika-13 nga napatay nga suspected pusher sa kapolisan kay giingong misukol samtang gipaubos sa buy bust operation sa Brgy Kauswagan sa syudad.
Miingon si Moreno nga mas pokus sila sa drug rehabilitation program aron dili na mabalik ang mga drug pusher sa ilang mga bisyo hinungdan mabutang na hinoon kini sa peligro.
Una nang gibutyag ni Moreno nga supak kini sa extra judicial killings o summary killings nga himoon sa mga otoridad ning syudad.
