CAGAYAN DE ORO CITY-Gisumbalika’g batikos ug gitawag usab sa konseho nga nagpakatag sa fake news ang Cagayan de Oro Water District o COWD ning syudad.
Kini human unang gibutyag ni COWD chairman of the board Eduardo Montalvan nga wala sa hurisdiksyon sa Philippine Competition Commission o PCC nga mo-imbestigar sa petition sa konseho sa kontrata tali sa Metro Pacific Water Consortium Incorporated o MWCI.
Miingon si Kag Bong Lao,chairman sa komitiba sa public utilities sa konseho nga kon wala pa’y pulos ang ilang reklamo,duga ra unta kining gibasura sa PCC.
Una niini,gisaway ni Montalvan ang konseho ko nganong nagpagawa sa peke nga impormasyon kabahin sa COWD ug Metro Pac.
Samtang wala palabya sa konseho ang pasangil sa COWD board of directors nga unang nag-akusar nga bakak ang isyu nga kini ipaubos na sa pribadong pagdumala sa MWCI.
Namugos si Lao nga mismo gikan kang terminated COWD Gen Mngr Engr Rachel Beja ang pahayag nga sa madugay mahimo nang pribado ang ahensiya.
Subli gitin-aw ni Lao nga wala sila matarug sa pagsaway kanila ni City Mayor Oscar Moreno human gipamugos nga sila nagbaton sa personal interes sa kontrobersiya sulod sa water district.
Una usab niini,gikompirmar ni Montalvan nga namugos ang MetroPac mo-presentar sa ilang ‘unsolicited proposal apan giingong gibasura nila kini.
