CAGAYAN DE ORO CITY-Gihagit sa komite on police,fire and public safety ang kapolisan nga ayuhon ang subli pagpatuman sa Oplan Toktok Hangyo o Tokhang dinhi sa syudad.
Kini human giingong gipabalik na ni Pres Rodrigo Duterte sa PNP ang paglusad niini alayon sa anti-illegal drugs campaign sa gobierno.
Gibutyag ni Kag Romeo Calizo kinsa chairman sa maong komitiba nga angay dili masubli ang isyu sa tokhang for ransom nga hinimuan sa pipila ka police scalawags aron dili madaot ang maong katuyuan sa programa ni Pres Duterte.
Dumduman nga atol sa panahon ni kanhi city police director Sr Supt Ronnie Francis Cariaga,nahimo nga awardee ang Cagayan de Oro City Police Office tungod sa daghang nasikop sa pagpayuhot sa gidiling droga sa syudad nga minus lamang ang kamatay sa pipila ka suspected drug pushers ug users.
