CAGAYAN DE ORO CITY-Paminawon sa konseho ang panig sa mga convenience store nga kabahin sa apektado sa gipatuman nga city ordinance batok sa mga tawong nag-inom sa mga pampublikong lugar.
Kini human daghang customers na ug mga tawong nagtambay sa dis oras sa kagabii ang nasikop sa kapolisan ning syudad.
Miingon si City Councilor George Goking nga sugdan nila’g tuki ang ordinansa nga gibasihan sa kapolisan pagpangdakop batok mga tambay sa konseho ning adlawa.
Tuyo nila nga makaporma sa rekomendasyon nga plastar ang pagpatuman sa mando sa balaod batok mga tambay sa
syudad.
Samtang dili pugngan ni City Mayor Oscar Moreno nga e-rebyo sa konseho ang ordinansa nga basehan sa kapolisan
pagpangdakop sa mga tawong nagtambay sa dis oras sa gabii sa syudad.
Kini human tinguha ituki sa upat ka komitiba sa konseho ang city ordinance no.5133-95 nga miani’g pagsaway gikan sa mga grupo nga supak niini.
Gibutyag ni Moreno nga dako’g ikatabang ang ordinansa kay maminintar niini ang kahusay’g kalinaw batok sa mga kriminal ning syudad.
