CAGAYAN DE ORO CITY-Angayan manubag ang DENR-10 ug ang 3rd party facilitator sa katukuran sa sanitary landfill diha sa Brgy Pagalungan ning syudad.
Pahayag kini Konsehal Inday Dahino,vice chairman sa environment committee sa konseho kon mapamatud-an nga mikontaminar ang ‘duga’ sa basura diin giingong nagresulta sa fishkill ug sakit sa panit sa katawhan sa Brgy San Simon sa syudad.
Gibutyag ni Dahino,nga imbestiharan sa konseho ang isyu sa sanitasyon sa kontrobersyal nga dumpsite.
Sunod semana, lauman nga magkatigom ang mga stakeholders aron mahisgutan ang gipadayag nga reklamo ug suliran sa mga namuyo sa Brgy Pagalungan ug San Simon ning syudad.
Samtang namugos ang City Local Environment and Natural Resources Office o CLENRO nga lig-on ang ebedensiya nga ilang nahuptan nga bakak ang alegasyong fish kill ug pagbaton sa sakit sa pamanit sa mga residente sa Brgy San Simon ning dakbayan.
Gibutyag ni CLENRO officer Edwin Dael nga andam na silang mangatubang sa konseho ning syudad ug sa mga mibato kanila sa alegasyon.
Gustong tin-awon ni Dael nga nakapasar sa safety requirements ang engineered sanitary landfill.
Dugtong niini, gipakita ni Dael ang dokumento sa ilang nakuhang resulta sa water sampol gikan sa suba nga dunay matud pay fishkill tungod sa Landfill Leachates o hugaw nga likido gikan sa mga basura.
Gawas niini, wala silay reported nga mga insidente gikan Abril kutob ning adlawa sa matud fishkill sa suba palibot sa Brgy San Simon.
