CAGAYA DE ORO CITY-Mi-apelar karon si City Police Director Sr Supt Roy Bahian kang City Mayor Oscar Moreno ug sa konseho nga tabangan sila nga makabalhin na sa ilang bag-ong opisina diha sa Brgy 40 sa syudad.
Kini tungod kay bugtong koneksyon sa koryente ug tubig na lamang ang kulang aron sila makabalhin na gikan sa fire hazard building diin nakabase ang Maharlika Headquarters.
Gibutyag ni C/Insp Mardy Hortillosa II,tigpamaba sa Cagayan de Oro City Police Office o COCPO nga tuig 2013 pa natukod ang bag-o nila nga opisina diin gipondohan sa tres milyon pesos apan pabiling wala magamit.
Samtang ipalabang sa konseho ang resolusyon diin magtumong sa dinalian nga paghatag pondo aron mahatag koneksyon sa koryente ug tubig ang bag-ong buhatan sa kapolisan diha sa Brgy 40 sa syudad.
Gipasalig ni Kag Romeo Calizo,chairman sa komite sa police,fire and public safety sa konseho nga mohimo kini’g special report atol sa sesyon sa ilang sesyon sa adlaw’ng Lunes.
Positibo si Calizo nga mahatagan ni Moreno sa prioridad ang panginahanglan sa kapolisan sa syudad.
