CAGAYAN DE ORO CITY-Wala sa hurisdiksyon sa city council nga mohimo’g pakisusi sa nahunong nga katukuran sa balor 200 milyon pesos nga student center sa USTP diha sa Brgy Lapasan ning syudad.
Kini bisan nga may komitiba sa edukasyon sa konseho nga nakatutok sa pagpalig-on sa sistema sa edukasyon sa dakbayan.
Miingon si Kag Suzette Magtajas-Daba,chairman sa education committee sa konseho nga may kaugalingong karta ang USTP ug naporma sila pinasikad sa nasudnong balaod.
Dumduman nga nabutang sa kontrobersya ang USTP dihang gipapatay sa wala pa mailang mga suspek ang ilang presidente nga si Dr Ricardo Rotoras niadtong Disyembre 2017.
