CAGAYAN DE ORO CITY – Namatay na si Cagayan de Oro City Bureau of Customs District Collector Atty Floro Calixihan.
Kini ang gikompirmar ni Mindanao Container Terminal Port Collector John Simon sa Bombo Radyo.
Namahayag si Simon nga cardiac arrest ang hinungdan sa pagkamatay ni Calixihan.
Gitumbok ni Simon nga posibleng na stress ug mibati sa tumang kakapoy ang nasampit nga district collector sa syudad tungod sa nature sa iyang trabaho ubos sa BoC.
Wala na mihatag sa dugang detalye si Simon kon asa gihaya ang iladong opisyal sa Bureau of Customs.
Si Calixihan ang ikatulo nga govt official nga namatay sa cardiac arrest sulod sa Agosto ning tuiga.
Una nang namatay usab sa susamang hinungdan si retired Police Maj Gen Lyndel Desquitado ug NBI head of agents Atty Alex Caburnay.
