CAGAYAN DE ORO CITY – Dako ang kahigayunan nga mahimong sunod nga Obispo Maximo (Supreme Bishop) sa Iglesia Filipina Independiente (IFI) ang kasamtangang Cagayan de Oro Diocese bishop nga si Rt. Revd. Bishop Felixberto ‘Bert’ Calang.
Kini alayon sa himoon nga IFI generally assembly diin halos 300 ka paring Pilipinista gikan sa 49 ka diocese sa tibuok nasud ang motambong aron pilion ang bag-ong obispo maximo sa kauluhan sa sunod semana sa Mayo ning tuiga.
Gawas kang Calang,kapilian usab sa maong eleksyon sa pagka-obispo maximo si Rt. Revd.Bishop Joel Porlares kinsa kasamtangang kalihim-heneral sa IFI nga nakabase sa kauluhan.
Kon kinsa man ang pilion sa mga pari nga delegado sa asembliya,maoy mopuli sa ikabante nga puwesto ni outgoing IFI Obismo Maximo The Most Revd Rhee Timbang nga gikan sa Surigao Diocese kinsa nangulo sa simbahan sugod sa milabay’ng Mayo 9,2017.
Si Calang naila sa Mindanao nga convenor sa Philippine Ecumenical Peace Platform diin naghingusog mapalig-on ang kahusay’g kalinaw pinaagi sa pagpabalik sa sinultihay tali sa puwersang gobierno ug sa mga grupong armado sa nasud.
Gani,tipik siya sa gadu-ulan sa local government unit officials aron mabuhian kaniadto ang pipila ka bihag nga mga pulis ug mga sundalo gikan sa mga kamot sa mga rebeldeng pundok sa naglabay’ng katuigan sa Mindanao.
Sa panahon usab ni Calang nga may mga laing IFI dioceses na ang Northern Mindanao region nga nakabase sa lungsod sa Libertad ingon man sa Sugbongcogon sa Misamis Oriental ug sa Malaybalay City sa Bukidnon.
