CAGAYAN DE ORO CITY-Nakasuhan na sa paggamit sa giingong paggamit sa gidiling droga ug pagbaton sa illegal drug paraphernalia ang empleyado sa city hall sa piskalya ning syudad.
Kini human unang nasikop sa Regional Drugs Enforcement Unit o RDEU-10 ang suspek nga si Robinson Benetiz,36 anyos,minyo nga taga- Brgy Balulang dihang akto nasapon naggamit sa gitoohang shabu sa Brgy 1 ning syudad.
Miingon si PNP regional spokesperson Supt Surki Serenias nga mismo ang police station 1 ang mihimo niini ilabina nga sila ang gi-koordinar sa RDEU atol sa operasyon.
Una nang nasikop usab kuyog ni Benetiz ang kanhi DENR employee nga si John Paul Bangquerigo tungod gihapon sa maong pasangil.
