CAGAYAN DE ORO CITY-Ipabilin sa Task Force Oro nga nilangkuban sa friendly forces sama sa kapolisan ug militar ang seguridad dinhi sa syudad.
Kini bisan nga natibawas na ang mga kasaulugan sa kapistahan sa patron sa San Agustin sa syudad.
Gibutyag ni Task Force Oro head Col Royland Orquia nga dili nila wad-on ang hightened alert status kay nagpabilin pa man ang Martial Law sa Mindanao tungod sa bahad sa terorismo.
Una niini,gikompirmar ni Allan Porcadilla,head sa City Disaster Risk Reduction and Management Dept o CDRRMD nga sobra ka malinawon ang pagpahigayon sa mga kalihukan sa kapistahan sa syudad.
Gani,labing daghan sa ilang na respondihan ang pagpatabang lamang sa pipila ka indibidwal kay dunay nagsakit sa ilang kabanay sulod sa panimalay nga gikinahanglan sa dinaliang medikasyon ug dili related sa fiesta activities.
