CAGAYAN DE ORO CITY-Langkat sa trabaho kon makit-an ug mapamatud-an nga adunay pipila ka pulis nga nagsilbing ghost policemen sulod sa liderato sa PNP.
Kini ang panganti ni Cagayan de Oro City Police Office o COCPO spokesperson C/Insp Mardy Hortillosa II kabahin sa impormasyon nga may mga pulis nga wala mag-report sa ilang mga trabaho apan padayong nagkobra sa ilang mga suhulan ug benepisyo.
Miingon si Hortillosa nga usa sa ilang imbestigaran ang mismong kumander sa police station kon nganon nga may mga sakop sila nga wala magtunga sa trabaho apan aktibo pa sa pagkuha’g benepisyo gikan sa gobierno.
Hisayrang may mga report nga nadawat ang Bombo Radyo nga mohatag lamang sa suhulan ang pipila ka pulis sa ilang mga labaw ug dili na sila manunga sa trabaho kay lahi na ang gihimo nila nga panginabuhian.
