CAGAYAN DE ORO CITY – Nakit-an sa Civil Service Commission o CSC-10 nga guilty sa kasong administratibo ang empleyado sa city hall nga Remy Labiano nga residente ning syudad.
Kini human unang gikasuhan ni Nazareth Brgy Kag Glendel Reyes si Labiano tungod sa dayag nga pagdapig niini sa mga kandidato ubos sa Team Nacaya batok grupong Rodriguez sa miaging eleksyon sa brgy sa tuig 2019.
Gibutyag ni CSC-10 Director IV Grace Saqueton nga tataw nga nalambigit si Labiano sa direct o indirect partisan political activity diin gi-post pa sa social media nga nagpabor sa Team Nacaya.
Dugtong niini,gipahamtangan sa CSC si Labiano sa tulo ka bulan nga pagka-suspenso sa iyang trabaho sa city hall ning syudad.
Samtang ma-apelar pa sa kampo ni Labiano ang suspension order nga gipahamtang batok kaniya sa Civil Service Commission o CSC-10.
Miingon si kanhi city human resource office head Oliver Egyto nga may paagi pa ang sinumbong nga modangop sa korte aron e-challenge ang silot sa CSC batok kaniya.
Gibutyag ni Egypto nga kon madutlan si Labiano,ma-suspenso usab ang iyang mga dawaton nga mga benepisyo samtang kamulo e-apelar sa hukmanan ang maong kaso.
Una usab niini,nasayod na si Labiano sa iyang suspension apan wala pa mohatag sa opisyal niya nga komento.
