CAGAYAN DE ORO CITY – Ipaubos na sa temperature scanning ang tanang mga empleyado nga motambong sa trabaho diha sa city hall epektibo sa adlaw’ng Lunes.
Miingon si City administrator Teddy Sabugaa nga tungod kini sa duha ka Pinoy nga positibo sa coronavirus disease nga gikompirmar sa DoH-Manila.
Dugang ni Sabugaa nga nabalaka si City Mayor Oscar Moreno sa dugang duha ka Pinoy nga positibo sa bayrus ilabina nga anaa sila nakabase sa kauluhan.
Hinoon,pabiling negatibo pa ang Northern Mindanao sa maong sakit bisan sa daghang nangamatay na niini sa daghang kanasuran sukad mibutho sa Wuhan City,China sa tuig 2019.
