CAGAYAN DE ORO CITY -Gusto sa bag-ong pasado nga abogado nga si Spencer Palen nga konektado sa govt public service ang magsilbi niya nga specialization sa higayon nga makahurar na kini sa iyang bag-ong propesyon sa abogasiya.
Kini ang pagtug-an dinhi sa Bombo Radyo ni Palen kinsa trabahante ubos sa buhatan ni City Mayor Rolando ‘Klarex’ Uy dihang apil siya sa 3-mil 812 ka bar exam passers nga gilugwa sa korte suprema kagahapon sa hapon.
Miingon ang Liceo de Cagayan de University College of Law class valedictorian nga mismo siya ang naghulat nga mogawas sa screen ang iyang pangalan samtang kuyog ang pamilya ug mga higala niini kagahapong adlawa.
Una nang gibutyag ni Supreme Court Associate Justice Ramon Paul Hernando nga maoy nagsilbing no.1 sa September 2023 bar exam ang law graduate sa University of Sto. Tomas na si Ephraim Prociuncula Bie nga nagbaton sa 89.26 percent passing mark.
Samtang paborabli usab alang sa bar exam passer gikan sa Ateneo de Cagayan Law School nga si Atty .Jel Evangelista nga gilayong molambigit sa private practice sa iyang pagsilbing abogado ning syudad.
Kini ang pagsaysay ni Evangelista dinhi sa Bombo Radyo dihang apil siya sa daghang bar examinees gikan sa Xavier University nga pasado sa maong pasulit ning tuiga.
Giangkon sa maong Atenista nga nagsilbi niya nga motibasyon ang pakyas niya nga pagkapasar sa unang bar exam aron kini mas maningkamot pa sa pagtoon.
Hisayrang nagsilbing overall no.3 sa nationawide ranking of schools ang Xavier University alang sa 51 to 100 candidates diin 68 gikan sa ilang gatos ka bar examinees ang pasado sa bar exams ning tuiga.
