CAGAYAN DE ORO CITY- Pursigido si Kagawad Romeo Calizo nga ipaubos sa ‘mandatory drug test’ ang mga opisyal ug kawani sa City Hall.
Matud ni Calizo, kinsa chairman sa City Anti-Illegal Drug Abuse Council o CADAC nga importante kaayo ang pagpahigayon sa drug test aron ma-establisar ang lig- ong kridibilidad sa Local Government Unit o LGU.
Namahayag si Calizo nga miduso siya’g resolosyon sa konseho nga gitumong sa pag-gahin ug pundo
alang sa maong katuyuan.
Una nang nagpalabang ug resolosyon ang City council nga nag-require sa tanang mga kawani sa City Hall nga magpaubos sa mandatory drug test.
Hisayrang una nga giduso ni Konsehal Zaldy Ocon ang resolusyon kabahin sa drug test apan nahilom sukad nga nahisgutan sa konseho niadtong tuig 2016.
