CAGAYAN DE ORO CITY – Mohimo’g massive information dessimanation ang kapolisan sa katawhan pag-awhag nga gawas sa facemask, magsul-ob na usab sa faceshield.
Gibutyag ni PRO-10 spokersperson Capt. Francisco Sabud Jr nga maoy ilang tinguha nga maluwas ang katawhan batok sa COVID-19 ilabina ning panahon sa holiday season.
Gihimo ni Sabud alayon sa mando sa IATF nga obligahon na ang publiko sa pagsunod sa maong bag-ong lakang sa kagamhanan sa pakigbatok sa bayrus.
Dugtong niini,gibutyag ni CDO Disiplina Muna Advocacy Team vice chairman Antonio Resma Jr nga andam sila pagpatuman sa IATF order.
Giawhag ni Resma ang publiko nga sugdan na pagsunod ang kamanduan aron walay pagpangdakop nga mahitabo ngadto kanila.
Samtang mohatag nga libre sa mga face shield alang sa katawhan ang city hall nga magamit pangkontra sa COVID-19 transmission ning syudad.
Kini human imando ni City Mayor Oscar Moreno ang mass production sa maong kagamitan isip pagsunod sa mando sa IATF-Manila nga obligahon ang katawhan sa pagsul-ob batok bayrus.
Gibutyag ni Moreno nga medyo mahal ang materyales nga gamiton niini apan gitahas niya nga pangitaa’g paagi aron maapud ang panghatag ngadto sa katawhan sa syudad.
