CAGAYAN DE ORO CITY – Ipatawag sa city hall ang managers sa mga hotel ug pension houses nga nag-operate dinhi sa syudad.
Miingon si City administrator ug CSWD con-current head Teodoro Sabugaa Jr nga tuyo niini nga ipasabot pagbalik kanila ang mga ordinansa nga nagsentro sa proteksyon sa mga customer nga mosulod sa ilang mga patigayon.
Himoon ang maong tigom sulod ning bulana human ang pagka-rescue sa pito ka babaye nga gitoohang biktima sa ‘human trafficking’ nga inisyatiba sa duha ka bay-ot ning syudad sa miaging semana.
Nasayran nga nasikop sa NBI-10 ang duha ka Chinese nationals kuyog ang mga bay-ot sulod sa hotel sa Brgy Cugman diin gikauban nila ang mga babaye halos taga-Brgy Calaanan ning syudad.
