CAGAYAN DE ORO CITY-Illegal mining free na ang syudad sa Cagayan de Oro.
Kini ang gibutyag ni Engr Armen Cuenca, ang hepe sa City Local Environment and Natural Resources Office sa pakighinabi sa Bombo Radyo.
Namahayag si Engr Cuenca nga nahanaw na ang mga hydrolic mining nga nakapahugaw sa Iponan River.
Iyang gikalipay nga subli na nga namalik ang isda sa suba ug tin-aw na ang tubig sa Cagayan de Oro River.
Dugtong niini, nanawagan si Cuenca sa publiko nga isumbong sa ilang buhatan ang tanan ilegal nga pagmina-mina nga ilang mabantayan sa mga hilit nga barangay ning syudad.
