CAGAYAN DE ORO CITY- Nabawi atol sa gilusad nga ”Oplan Greyhon” sa BJMP-10 ug PDEA operatives ang pipila ka kontrabando gikan sa mga piniriso sulod sa building 2 sa Lumbia City Jail ning syudad.
Kini sa tuyo nga malikay ang mga piniriso sa paggamit sa gidiling droga samtang sila anaa sa bilangguan.
Miingon si Lumbia City Jail Deputy Warden Insp Danilo Delgado nga wala sila’y nakuha nga mga droga apan pipila lamang ka hait nga hinagiban,celphone ug sigarilyo.
Dugtong niini,gikalipay usab ni PDEA agent GM Gomez nga negatibo sa presensiya sa gidiling droga ang mga selda sa mga piniriso nga ilang nalusob kagahapon sa buntag.
Hisayrang nagpi-ot na ang mga piniriso sulod sa jail facility tungod usab sa paspas nga pagpangdakop sa mga otoridad sa nagpayuhot sa gidiling droga sa syudad.(with reports of Bombo Charmaigne Francis Janeo Tamsi).
