CAGAYAN DE ORO CITY – Kasuhan sa administratibo ug kriminal sa grupong Remove Ocon Movement si Kag Zaldy Ocon ning syudad.
Kini tungod sa gihimo ni Ocon nga pagsingka ug pagbinastos niini ngadto kang kanhi City Mayor Rueben Canoy sulod sa VIP Hotel sa syudad sa miagiong mga bulan.
Miingon si Remove Ocon Movement spokesperson Raul Ilogon nga laing complainants karon ang nagpakita’g interes aron kasuhan ang maong konsehal.
Dugang ni Ilogon nga dako’g matabang ang libuang pirma gikan sa katawhan nga ilang natigom dihang naglusad sila’g signature campaign batok Ocon diha sa Press Freedom Monument sa kapitolyo probinsyal sa naglabay’ng mga bulan.
Una usab niini,nangayo’g pasaylo si Ocon kang Canoy apan dili kini makapausab sa hukom sa pamilya nga siya kasuha’g kriminal ug administratibo.
