CAGAYAN DE ORO CITY-Kasuhan ni Kag Leon Gan sa upat ngadto siyam ka kaso ang naglangkob sa gobiernong lokal sa syudad.
Kini tungod sa giingong pagpasar sa mga ordinansa sa syudad nga ilegal ug kinopya sa balaod nga napasar nang daan sa nasudnon.
Si Gan miingon nga kabahin usab sa nakit-an niini ang ilegal ang pagpasar sa ordinansa diin nagpaubos sa state of calamity sa syudad bisan gi-veto ni City Mayor Oscar Moreno ug paglugway sa pagduso’g business permit bisan mihupas na ang gisitar nga adlaw niini.
Samtang gihagit ni Kag Bong Lao si Gan nga dali-on ang pagkiha kanila sa bisan asa nga korte ning syudad.
Tubag kini Lao nunot sa panganti ni Gan nga dad-on niya sa hukmanan aron manubag ang syudad sa ilegal nga gipang-pasar nga ordinansa sa dakbayan.
Giangkon ni Lao nga insulto alang sa katawhan ang pasangil nga gihimo ni Gan batok sa syudad.
