Gipasalig sa lokal nga kagamhanan ning syudad nga alerto ang tanan inter-agency task force nga gimugna ni Mayor Rolando Klarex Uy sa pagmonitor, rescue, ug bisan sa retieval operation kung simbako, aduna pay kusog nga bagyo nga muigo sa Mindanao sa katapusang bulan sa tuig.
Gipasalig kini ni Jade Adecer, hepe sa City Information Office sa pagkighinabi sa BOMBO RADYO.
Una niini, miingon si Adecer nga nagresume na ang klase ug trabaho kay naka-angkon na sa maayong panahon syudad.
Apan sa milabay’ng adlaw, lakip sa bantayan ug girespondihan sa Incident Management Team (IMT) ang pagsaka sa baha sa national road sa Kauswagan, Baloy, Cugman.
Aduna usab namonitor nga pagbaha sa Brgy Puntod, ug hinterland barangays.
Mitala usab ang syudad sa gagmay nga landslide tungud sa paghumok sa yuta.
Gipaubos sa pre-emptive evacuation ang mga residente sa Bulua, Bonbon, ug Bayabas tungod sa Bagyong Uwan.
Hinoon, tanan namakwit namauli na sa ilang balay human sila mismo ang nagreport nga adunay grabeng pagbalod sa kabaybayunan dihang wala pa maglandfall ang super typhoon Uwan sa miagings semana.
