CAGAYAN DE ORO CITY-Gikibhangan kay nagbalik-balik ang pipila sa budget item nga gipangayua’g pagtugot ni City Mayor Oscar Moreno sa konseho ning syudad.
Kini ang pag-depensa ni City Vice Mayor Rainer Joaquin Uy kon nganong wala nila gihatag ang 5.8 bilyon pesos nga 2018 annual budget sa syudad.
Miingon si Uy nga anaa lamang sa 5.5 bilyon pesos ang ilang gi-aprobahan sa gipangayo nga budget ni Moreno nga makuha gikan sa nagkadaiyang buluhisan ug ayuda sa national govt pinaagi sa internal revenue allotment o IRA.
Una nang gibutyag ni Moreno nga ang maong pondo ang gamiton niini sa pagpatuman sa eight point agenda ilabina sa pagtunol sa batakang serbisyo sa katawhan ning ning syudad.
