CAGAYAN DE ORO CITY – Gisugyot karon sa committee on ethics and blue ribbon, on laws and rules sa konseho nga ipaubos sa pagtul-id ang nagsilbing pinakaraang sports park sa Northern Mindanao nga mao ang Don Gregorio Pelaez Sports Complex sa Velez Street, Cagayan de Oro City.
Kini maoy unod sa special report ni Kag.Edgar Cabanlas nga maoy chairperson sa maong mga komitiba sa ilang regular session sa konseho ning syudad kaganihang hapon.
Miingon si Cabanlas nga tuyo niya ikatagbo ang representasyon ni Misamis Oriental Provincial Gov Peter Unabia ug Department of Education aron hisgutan kung unsaon ang pagpatuman sa hiniusang katuyuan nga ipalambo ang kahimtang sa pasilidad.
Siya miingon nga angayan kining buhaton aron mohaom ang complex sa kung unsa man ang pagsilbing highly urbanized city sa rehiyon.
Dumduman nga tuig 2000,ulahing na renober ang pasilidad nga natukod 1969 ug opisyal nabuksan Agosto 5,1970 diin nagsilbing benyo sa unang Palarong Pambansa sa Mindanao sa 1975.
Nagsilbing pinakadakong stadium sa Mindanao sukad napaubos sa renobasyon sa tuig 1998 diin naghupot sa 20,000 seating capacity.
