CAGAYAN DE ORO CITY – Angayang ipasabot sa kabatan-unan ang kahulugan ug dala nga importansya kung nganong kada-tuig isaulog ang Earth Hour sa tibuok kalibutan.
Kini ang mensahe ni Atty Ban Mikhael Pacuribot,officer-in-charge sa DENR-10 Legal Division nunot sa ika-18 ka tuig nga Earth Hour observance diin aktibo ang Pilipina sa pagduyog niini.
Miingon si Pacuribot nga kinahanglang masabtan sa kabatan-unan ang ka mahinungdanon sa pag-atiman sa kinaiyahan aron mapuslan pa nila sa dugay’ng panahon.
Kabahin ang dakbayan nga miduyog sa pagpalong sa sugang dagitabnon sulod sa usa kagabii.
Samtang mihimo sa coastal clean up ang mga sakop sa CLENRO sa baybayon nga bahin sa Brgy Lapasan ning syudad ayha mihimo’g dugang kalihukan sa Earth Hour observance ning tuiga.
Kini human nakatigom sila sa sobra 10 cubic meter sa gindaghanon sa mga basura kuyog ang mga personahe sa Environmental Management Bureau 10 ning syudad kaganihang buntag.
Miingon si CLENRO Manager Engr Armen Cuenca nga gawas sa nga namalong sa ‘non-essential lights’ ang dakbayan,midalit usab sila sa libreng pa-konsierto sa Plaza Divisoria nga mi-sentro sa pag-proteher sa kinaiyahan kaganihang sayo sa gabii.
