CAGAYAN DE ORO CITY – Gidasig ni DILG-City Director Edward Bhagwani ang public officials ug mismong mga trabahante sa city hall nga suklian sa makatagbaw nga serbisyo ang katawhan sa dakbayan.
Kini agi’g bugti sa mga benepisyo nga naglakip na sa ensaktong mga suhulan gikan sa mga magbubuhis.
Gihimo ni Bhagwani ang mensahe nunot sa gihatag nila nga pag-ila sa liderato ni City Mayor Rolando ‘Klarex’ Uy nga isip 2024 Seal of Good Financial Housekeeping ubos sa highly urbanized city category.
Gihangyo usab ni Bhagwani ang katawhan nga dili lang kutob sa pagpanaway apan tan-awon usab ang mga kaayuhan nga nahimo sa kagamhanan nga gihaom alang sa kadaghanan.
Hisayrang ang maong pag-ila ang tipik lang sa napasar nga rekisitos sa Cag. de Oro-LGU sa giapilan nga 2024 Seal of Good Local Governance.
