CAGAYAN DE ORO CITY – Miprangka na ang komitiba sa Housing and Urban Poor sa konseho nga walay panalapi ang syudad aron isalbar ang kapin libo ka mga pamilya nga mawad-an sa puy-anan oras nga mapatuman ang demolisyon sunod semana.
Miingon si Committee Chairman Edgar Cabanlas nga na-aksiyonan na sa syudad ang pagtabang sa mga nanimuyo sa maong dapit panahon pa ni kanhi Presidente RodrigoDuterte, dihang gimugna ang task force aron imbestigaran ang hangyo sa mga sibilyan nga dili sila papahawaon sa luna nga kapin 30 ka tuig na nila gipuy-an.
Mibutyag si Cabanlas nga ika-lima ka higayon napug-ngan sa korte ang hangyo ug naabtan pa kini, dihang nahimong mayor si Klarex Uy.
Niadtong Abril 2023, gimanduan ni Uy nga papangitaan sa kabalhinan ang mga apektado sa demolisyon apan, walay kapasidad ang syudad nga abagahon ang gasto sa pagpangitag libre nga luna, ilabina nga adunahan ang namuyo ug mga pribadong indibidwal ang apektado sa eviction order sa Regional Trial Court Branch 17.
Nagtoo si Cabanlas nga usa sa mahimong sulbad sa friction tali sa 4TH ID ug mga apektadong residente mao ang aksiyon nga himoon ni Presidente Bongbong Marcos, ilabe nga hawid sa opisina sa presidente ang Housing and Urban Development Coordinating Council (HUDCC).
