CAGAYAN DE ORO CITY – Gi-depensa ni City Mayor Oscar Moreno ang pagpangutang sa uno bilyon pesos nga salapi sa Land Bank of the Philippines o LBP bisan sa panahon nga nag-atubang sa pandemya sa COVID-19 ang syudad.
Kini human may pipila ka sakop sa city council nga nag-kuwestiyon kon nganong mangutang ang syudad aron gamiton sa re-development sa city cemetery sa Bolonsire diha sa Brgy Camaman-an ning syudad.
Gibutyag ni Moreno nga ngil-ad tan-awon alang sa syudad nga walay atiman ang pinakadako nga sam-ang sa dakbayan.
Siya miingon nga 500-milyon pesos lamang sa maong bank loan ang gamiton aron himoong memorial park nga may kaugalingong columbarium ang city cemetery sa dakbayan.
Gani,gipamugos sa mayor nga tungod sa financial stability nahatagan bangko nga makapangutang ang syudad hangtod P7 bilyon.
