CAGAYAN DE ORO CITY – Motunol sa balor 2.3 milyon pesos nga ayuda katawhan sa syudad alang sa mga biktima sa sunod-sunod nga linog sa North ug South Cotabato.
Kini human aprobahi sa konseho ang resolusyon ni committee on social services committee chairman Kag Girlie Balaba nga nagtugot kang City Mayor Oscar Moreno paggamit sa 2 milyon pesos nga calamity funds sa syudad alang sa maong katuyuan.
Miingon si Balaba nga mag-agad na lamang kang Moreno ang porma sa ihatag niini nga tabang kon cash o relief goods ba ang dad-on sa maong mga lugar.
Una usab niini,boluntaryo nga modonar sa tag-100 pesos ang 3-mil 500 ka city employees gikan sa ilang dawaton nga bonus ning bulana aron makatabang sa mga biktima sa linog.
