CAGAYAN DE ORO CITY – Gipamugos ni CdeO Peoples Forum lead covenor Dr Menelleo Navarro nga may go signal na gikan sa health experts nga ipaubos sa enhanced community quarantine ang syudad.
Apan giakusahan niini si City Mayor Oscar Moreno nga nagpakabuta-bungol sa maong sugyot.
Si Navarro miingon nga responsibilidad sa city government nga seguradohon ang kaayohan ug kaluwasan sa mga residente batok virus hinungdan nga ilang gisugyot ang lockdown.
Dili na angayang hulaton pa sa alkalde nga mamatay ang mga frontliners gumikan sa kakulangon sa PPE samtang mamatay ang mga pasyente tungod sa limitado nga mga ventilators sulod sa hospital.
Samtang nagtoo si Moreno nga diskriminasyon alang sa nga kabus ang pagpaubos sa enhanced community quarantine sa syudad.
Sumala ni Moreno nga kinahanglang maamgohan sa grupong Cdeo Peoples Forum nga pinaagi sa lockdown, suspended ang tanang matag sa transportation, ug ma-discriminate ang mga kabus nga walay sakyanan diin iya kining gitawag nga constitutionally valid.
Siya miingon nga maoy mapihig sa maong hukom ang mga kabus tungod kay mosamot ang ilang kalisod.
Dili usab siya makatugot nga dili naka makasulod sa Northern Mindanao Medical Center ang mga pasyente nga adunay sintomas sa Covid ilabina nga naila kini nga hospital sa mga PUI sa maong virus.
