CAGAYAN DE ORO CITY- Gitugtan na ni City Mayor Oscar Moreno ang pagbukas-balik sa mga negosyo sulod sa mga mall ug shopping centers ning syudad.
Kini human kabahin ang dakbayan sa gipaubos ni Pres Rodrigo Duterte sa general community quarantine o GCQ samtang nakigbatok ang gobierno sa coronavirus disease.
Apan giklaro ni Moreno nga limitado lamang ang serbisyo nga mahatag sa mga mall ug kusganong gidili pagpasulod sa mga tawo nag-edad 21 paubos ug kadtong 60 pataas aron dili matakdan sa bayrus.
Dugang sa mayor nga essential products lamang ang mahimong mapalit sa publiko diin e-obserbar pa ang physicial distancing,pagsul-ob sa mask,pagdala sa brgy exit pass ug dunay disinfection nga molungtad Mayo 15 ning tuiga.
Samtang anaa na sa 60-70 porsyento ka establishmento ang mibalik pagbukas human tugti sa syudad kagahapong adlawa.
Gibutyag ni Oro Chamber of Commerce spokesperson Atty. Antonio Soriano nga may mga patigayon gihapon ang wala miundang sa operasyon bisan sa mga panahon nga anaa pa community quarantine ang syudad.
Apan miingon si Soriano nga padayon sila gahulat sa mga gabayan nga ipagawas sa gobyerno.
