CAGAYAN DE ORO CITY-Giklaro ni City Mayor Oscar Moreno nga dili sila mortal nga magkaaway sa tinood nga kinabuhi apan pabiling maghigala ni late City Mayor Vicente ‘Dongkoy’ Emano.
Kini bisan nga sobra kainit ang bangi sa politika ni Emano ug Moreno diin nag-resulta sa mga pagkinasuhay sa Ombudsman.
Miingon si City Information Officer Maricel Rivera nga gihimo ni Moreno ang katin-awan dungan sa pagpaabot niini sa simpatiya ug kasub-anan tungod sa pagkamatay ni Emano gumikan sa sakit nga pneumonia.
Si Emano namatay sa edad 76 anyos samtang gipalibutan sa iyang kabanay sulod sa usa ka pribadong ospital ning syudad sa miaging kadlawon.
Dumduman nga usa sa mga kanunay gihingusgni Emano ang mamintinar ang kahusay’g kalinaw ilabina sa syudad rason nga may mga panahon nga tawgan kini sa ubang lideres sa Mindanao.
