CAGAYAN DE ORO CITY – Gi-alerto ni City Mayor Oscar Moreno ang publiko ilabina ang ubang govt elected officials batok sa nagkadaiyang pagpangilad nga hinimuan sa organized criminal groups sa nasud.
Gihimo ni Moreno ang pasidaan human siya ilara sa grupong Pat Villacorte crime group diin nangayo kaniya sa 1.3 milyon pesos aron ma-areglo ang kaso ni Sean Moreno sa Angeles City.
Miingon si Moreno gibulgar niini sa publiko ang hinimuan sa PatVil group nga gipanguluhan ni Ryan Mabborang nga taga-North Cotabato City aron dili na masubli ang pagpangilkil niini.
Mismo ang grupo ni CIDG regional director Police Lt Col Raymond Ligudin ang nakasikop kang Maborrang kuyog sila si Mark Adrian Tan, residente sa North Cotabato; Wilma Pangandigan, local government employee sa Datu Saudi Ampatuan; Thong Pangandigan sa Datu Piang, Maguindanao; Mohaimin Ulimpaen, Sadam Taliba Donna Bansil nga pulos taga Datu Saudi, Ampatuan, Maguindanao.
Nagpatoo pa si Mabborang kinsa kanhi sundalo nga si Police Col Ferdinand Sifuentes sa Camp Alagar samtang giilad si Moreno sa miaging semana.
Samtang napugos pagpangilkil si Mabborang kang Moreno human siya mailad sa Kabus Padatoon o KAPA-Community Ministry International Incorporated ni Joel Apolinario.
Kini ang nahimong depensa ni Mabborang dihang nadakpan siya ug iyang kaubanan sa mga otoridad sa entrapment operation ning syudad sa miaging semana.
Apan wala mosaler ang palusot sa suspetsado ngadto kang Moreno dihang nagka-konpronstasi ang duha kagahapong adlawa.
Una nang gi-entrap ang mga suspek dihang ilang gipangayuan sa kapin usa ka milyon pesos ang mayor sa syudad.
