CdeO mayor, gitahasan ang PNP pagsulbad sa RTA member killing

CAGAYAN DE ORO CITY – Patay ang usa ka traffic enforcer human pusila sa riding in tandem suspect samtang nagpahigayon sa clearing operation sa mga tricycle sa national highway diha sa Brgy Puerto ning syudad kagabii.

Giila ang biktima nga si Mark Langgam,hingkod ang panuigon ug na-assign isip roving team sa Road and Traffic Administration o RTA sa syudad.

Gibutyag ni city hall-led composite team spokesperson Antonio Resma nga gipusil si Langam samtang nagpalit sa tubig sa maong lugar.

Siya nakaangkon sa duha ka samad pinusilan sa iyang ilok ug lawas nga hinungdan sa iyang kamatayon samtang gitabang sa Sabal Community Hospital kagabii.

Una niini,giangkon ni RTA enforcer Dark Bidder nga daghang mga bahad sa kinabuhi ang ilang nadawat gumikan sa clearing operation sa mga tricycle sa national highway.

Dugtong niini,gitahasan ni City Mayor Oscar Moreno si City Police Director Col Henry Dampal nga mapadali ang pagsulbad sa kamatayon ni Langgam ning syudad.

Kini human gikakurat ug gikasubo ni Moreno ang nahitabo kang Langgam kinsa aktibo mipatuman sa balaod-trapiko diha sa Brgy Puerto sa syudad kagabii.

Miingon si Dampal nga buhatan nila ang tanan aron masikop ang mga suspek sa maong kremin.

Hisayrang gipatay usab ang RTA member nga si Chris Cabinggas diha sa JR Borja-Guillermo Streets sa syudad tuig 2016 .