CAGAYAN DE ORO CITY- Gitawag ni City Mayor Oscar Moreno nga ubos ug kalidad nga lider si Gov Bambi Emano sa Misamis Oriental.
Kabahin kini sa padayong atake ni Moreno kang Emano tungod sa ilang pagduda nga siya may kalabutan sa dismissal orders nga gipagawas sa Ombudsman.
Miingon si Moreno nga dili niini sibugan si Emano kon mahitabo nga sila ang sunod nga magkabangga sa piliay sa syudad ug lalawigan.
Si Moreno maoy mipildi kang kanhi City Mayor Vicente ‘Dongkoy’ Emano sa ikaduhang higayon sa pagka-mayor sa miaging duha ka piliay sa syudad.
Si Moreno ang nag-atubang sa 48 ka kaso diin 24 niini ang administratibo sa Ombudsman samtang laing 24 ang kriminal sa Sandiganbayan.
Nagsumikad ang kaso ni Moreno tungod sa pagsulod sa government transactions sa pagsilbi pa niining gobernador sa Misamis Oriental nga walay paglusad sa public bidding.
