CAGAYAN DE ORO CITY – Wala nganli ni City Mayor Rolando ‘Klarex’ Uy apan masabot nga may gitumbok kini nga dakong personalidad kabahin sa iyang gibuhian nga hait nga mga pulong nga mi-sentro sa pagdumala sa dakbayan.
Miingon ang mayor nga dili niya igsapayan kon limitado ang iyang kapasidad sa pag-alagad sa katawhan apan maoy importante nga tinud-anay nga mabalik ang gibayad nga salapi sa mga magbubuhis ug walay isyu sa kauwagan.
Gihimo ni Mayor Klarex ang maong sambingay gumikan sa daw pagkadawat niini sa pipila ka pagsaway iyang mga porma sa serbisyo nga gitunol diha city hall alang sa katawhan sa dakbayan.
Dumduman nga miaging interbyu usab sa Bombo Radyo,gibulgar sa kanhi alyado ni Klarex nga si Moreno nga may pipila ka casuals ug job order workers sa city hall nga gipa-rehistro sa Comelec aron mahimong botante sa Brgy Carmen sa dakbayan.
