CAGAYAN DE ORO CITY – Nagkahiusa na sa ilang politika si City Mayor Rolando ‘Klarex’ Uy ug Cagayan de Oro 2nd District Cong. Rufus Rodriguez alayon sa pagpadagan dinhi sa dakbayan.
Kini ang gipasigarbo sa mayor igo paghuman sa inagurasyon sa national govt project nga pinondohan sa Japanese govt nga nagsilbi usab nga river boulevard sa syudad kagahapong adlawa.
Miingon ang mayor nag-boluntaryo daw si Rodriguez nga maghiusa na sila sa politika nga giingong wala usab niya balibari.
Gilayong miani sa nagkadaiyang reaksyon ang anunsyo sa mayor diin tipik niini sa kanhi city mayor Atty. Oscar Moreno.
Si Klarex ug Moreno ang dose ka tuig nga alyado sa politika apan nahunlak na ning panahona.
Samtang daw na nakoryente o nasunog sa iyang gipasigarbon ni Uy.
Kini kabahin sa iyang giingong paghiusa na nila ni Rodriguez sa politika ning syudad.
Kini ang nahimoot nga reaksyon ni Moreno kabahin sa giingong local politics alliance ni Klarex ug Rufus.
Miingon ang kanhi mayor nga unta nasabtan ni Klarex ang tinud-anay nga kahulugan sa gitawang alyansa sa politika ayha nagpasiatab niini sa publiko.
Una niini,mikatag sa social media ang mubo nga tubag ni Rodriguez nga nagdumili una kini paghatag komento kay giingong layo pa ang eleksyon.