CAGAYAN DE ORO CITY – Gitawag ni City Mayor Oscar Moreno nga mga ‘barat’ nga klase nga pagkatawo ang 26 ka kapitanes nga unang miakusar nga sila gipihig sa food pack distributions ning syudad.
Kini human gipalanog sa grupong Luwas Kagayan Movement ang ilang kadismaya sa daw pabor-pabor nga pagpanghatag sa ayudad epekto sa krisis sa coronavirus disease.
Miingon si Moreno nga klaro nga politika ang motibasyon sa maong grupo aron dauton ang iyang pagdumala sa dakbayan.
Samtang gihimakak sa grupong Luwas Kagayan Movement nga politika ang nagtukmod kanila aron ibulgar ang daw pagpihig ngadto sa 26 ka kapitanes nga mahatagan sa 2nd wave sa food packs sa dakbayan.
Miingon si Luwas Kagayan Movement Secretary General ug Nazareth Punong Brgy Maximo Rodriguez III ngakaangayan sa paghatag ayuda ang gusto nila nga mahitabo ug dili pinili lamang.
Nanganti ang grupo nga dili sila mohunong sa pagbantay sa panudlanan sa dakbayan aron walay mahitabo nga mga pag-abuso sa mga opisyal nga midumala niini.
