CAGAYAN DE ORO CITY – Gihupay ni City Mayor Oscar Moreno ang kabalaka sa publiko nga nagkaduol na sa syudad ang engkuwentro tali sa militar ug rebeldeng New People’s Army o NPA.
Kini human samaron ang sundalo sa dihang nagka-engka-engkuwentro ang 65th IB,Philippine Army ug NPA sa Brgy Pigsag-an ning syudad sa miaging semana.
Miingon si Moreno nga napadpad lamang sa maong brgy ang rebelde diin unang gigukod sa 103rd IB,Philippine Army didto sa Lanao del Sur.
Namahayag si Moreno nga wala niya ilha nga dakong babag ang NPA apan angay sila hatagan sa pagtagad tungod sa pagpasagad sa gobierno sa ilang panginahanglan sa dugay nang panahon.
Nasayran nga sa pagsusi sa militar sa encounter site,narekober nila ang bomba sulod sa kampo sa miaging semana.
