CAGAYAN DE ORO CITY – Gibaharan ni City Mayor Oscar Moreno ang mga brgy kapitanes nga dili na magsige’g puno sa listahan sa frontliners nga ipaubos sa vaccination program sa dakbayan.
Kini human daw dismayado ang mayor nga wala pa gihapo’y kahumanan ang pagbakuna sa medical care frontliners ug ubang lumilihok sa brgy tungod sa sige’g dugang sa mga pangalan sa anga bakunahan.
Miingon si Moreno nga mismo siya ang mosusi sa mga nasubmitar nga listahan sa mga barangay aron iyang masuta kon dunay mga gipalusot aron masingit nga bakunahan.
Maoy gusto sa mayor nga mokanaug na sa senior citizens ang pagpamakuna kay daghan pa nga sektor ang nagkinahanglan niini.
Hisayrang sa miaging mga semana,gikasab-an sa mayor ang usa ka city hall department kay may 10 ka empleyado niini ang nakalusot sa pagbakuna bisan nga alang pa kadto sa medical frontliners.
